АХФ: Саяси, экономикалық және климаттық бастамалар күн тәртібінде

АХФ: Саяси, экономикалық және климаттық бастамалар күн тәртібінде
Астана халықаралық форумы өз жұмысын бастады

Бүгін елордада Астана халықаралық форумы (AIF) өз жұмысын ресми түрде бастады. «Connecting minds, shaping the future» ұранымен өтіп жатқан форум Президент Қасым-Жомарт Тоқаевтың төрағалығымен өткен жалпы отырыспен ашылды. Шара жаһандық өзгерістер жағдайында халықаралық ынтымақтастықты тереңдетуге бағытталған.

Форумның басты бағыттары:

• Сыртқы саясат және халықаралық қауіпсіздік
• Энергетика және климаттың өзгеруі
• Экономика мен қаржы

Қатысушылар құрамы:

AIF-ке 7000-нан астам делегат тіркелген. Олардың қатарында:

• Мемлекет және үкімет басшылары,
• Халықаралық ұйым жетекшілері,
• Сарапшылар мен ірі компания өкілдері бар.

Қатысушылар Еуропа, Орталық Азия, Таяу Шығыс және Африка елдерінен келіп отыр. Форумда 160-тан астам спикер түрлі тақырыпта пікір алмасады.

Құрметті қонақтар қатарында:

• Пол Кагаме – Руанда Президенті
• Гордана Сильяновска-Давкова – Солтүстік Македония Президенті
• Пан Ги Мун – GGGI президенті, БҰҰ-ның 8-бас хатшысы
• Ален Берсе – Еуропа Кеңесінің бас хатшысы
• Цюй Дунъюй – ФАО бас директоры
• Эми Э. Поуп – ХКҰ бас директоры
• Дарен Танг – ДЗМҰ бас директоры
• Каха Имнадзе – БҰҰ Бас хатшысының арнайы өкілі

Форум бағдарламасы:

Форум аясында 40-тан аса панельдік сессиялар, бейресми пікірталастар, қосымша шаралар өтеді.
Сарапшылар жаңа жаһандық әріптестіктерді, мемлекетаралық ынтымақтастық модельдерін және тұрақты даму жолдарын талқылайды.