САЙРАМ АУДАНЫНДА МЕМЛЕКЕТТІК ҚЫЗМЕТ КӨРСЕТУ САПАСЫ МЕН ТАЗАЛЫҚ МӘСЕЛЕЛЕРІ ТАЛҚЫЛАНДЫ

САЙРАМ АУДАНЫНДА МЕМЛЕКЕТТІК ҚЫЗМЕТ КӨРСЕТУ САПАСЫ МЕН ТАЗАЛЫҚ МӘСЕЛЕЛЕРІ ТАЛҚЫЛАНДЫ

2025 жылдың І-тоқсанына арналған мәжілісте Сайрам ауданының әкімі Арман Сабитов мемлекеттік қызмет көрсету мен ауылдық округтердегі санитарлық ахуалды басты назарға алды.

Аудан әкімінің аппараты ұйымдастыру-инспекторлық, ақпараттандыру және мемлекеттік қызмет көрсету мониторингі бөлімшесінің басшысы Сауытбек Жасұланның мәліметінше, биылғы үш айда ауданда 12 192 мемлекеттік қызмет көрсетілген, оның 73,6%-ы электронды форматта ұсынылған. Ең көп сұранысқа ие салалар: жұмыспен қамту, әлеуметтік бағдарламалар, жер қатынастары және құрылыс, сәулет және қала құрылысы.

🔎 Мониторинг нәтижелері:

• Қызмет көрсету мерзімін бұзу;
• Жұмыс кестесінің сақталмауы;
• Құжаттардың толық болмауы;
• Бас тарту себептерін түсіндірмеу;
• Тыңдалым өткізбеу сынды олқылықтар анықталған.

Сонымен қатар, Жасұлан Мұхтарұлы ауылдық округтердің тазалық жағдайына жеке тоқталып, бірқатар елді мекендерде қоқыс шығару, көше тазалығы мен абаттандыру жұмыстарының кемшіліктері бар екенін атап өтті.

Аудан әкімі тазалық пен мемлекеттік қызмет сапасына ерекше көңіл бөліп, барлық сала басшыларына нақты тапсырмалар жүктеді.