Қазығұртта бүлдіршіндер мерекесі шаттыққа толы өтті

Қазығұртта бүлдіршіндер мерекесі шаттыққа толы өтті

1 маусым – Халықаралық балаларды қорғау күніне орай Қазығұрт ауданында өткен “Бала күлкісі – баршаға ортақ қуаныш” атты мерекелік шара кішкентай бүлдіршіндердің жүзін бал-бұл жандырды. Аудан орталығында ұйымдастырылған айтулы мерекеде балаларға арналған түрлі ойын-сауық бағдарламалары, концерттік қойылымдар мен спорттық жарыстар өткізілді.

Күннің шуағымен жарыса күлген балдырғандардың қуанышы – тек ата-аналар үшін емес, тұтас қоғам үшін ортақ бақыт. Шараға қатысқан әрбір баланың жүзіндегі шат күлкі мен шынайы қуаныш мерекенің басты көрінісіне айналды.

Мерекелік күннің мақсаты – балалардың көңілін көтеру ғана емес, олардың құқықтарын қорғау мен денсаулығын сақтау, болашағына жауапкершілікпен қарау екені де айтылды.