Шымкенттік оқушы әлемнің үздік университеттерінен шақырту алды

Шымкент қаласындағы №41 мектеп-лицейінің 11-сынып оқушысы Алина Есенгелдиева білім мен ғылым жолындағы табандылығымен халықаралық деңгейде танылды. Ол АҚШ пен Ұлыбританияның жетекші 10 жоғары оқу орнынан шақырту алды.

Алина – халықаралық «Ғылым әлемін ашамыз» байқауының жеңімпазы. Ол білімін биомедициналық инженерия бағытында жалғастырмақ. Бұл мамандық — бүгінгі еңбек нарығындағы ең сұранысқа ие бағыттардың бірі.

«Кейбір университеттер сұқбат өткізді. Бұл – іріктеудің маңызды бөлігі. Алғашқы оң жауаптар наурыз айында келе бастады», – дейді Алина.

Оған шақырту жіберген университеттер қатарында:

Iowa University

College of the Atlantic

American University

University of Massachusetts Amherst

Loyola Marymount University

University of the Pacific

Michigan Tech

Clarkson University

Heriot-Watt University Dubai (Ұлыбритания университеті, Дубай кампусы)

Clemson University бар.

Бұл – жас таланттың қажырлы еңбегі мен үздіксіз ізденісінің жемісі.