ЖЕТІСАЙДА «ТАЗА ҚАЗАҚСТАН» ШЕҢБЕРІНДЕ АУҚЫМДЫ СЕНБІЛІК ӨТТІ

ЖЕТІСАЙДА «ТАЗА ҚАЗАҚСТАН» ШЕҢБЕРІНДЕ АУҚЫМДЫ СЕНБІЛІК ӨТТІ
3 мыңға жуық тұрғын қатысып, 28 тонна қоқыс шығарылды

Жетісай ауданында Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» экологиялық акциясы аясында ауқымды сенбілік жұмыстары жүргізілді. Іс-шара аудан әкімі Серік Мамытовтың тапсырмасына сәйкес ұйымдастырылып, қала, кент және ауылдық округтерді түгел қамтыды.

Сенбілік жұмыстары қалай өтті?

🔹 Мемлекеттік және квазимемлекеттік қызметкерлер өздеріне бекітілген көшелерді қоқыстан тазартып, санитарлық жұмыстар жүргізді.
🔹 Жергілікті тұрғындар үйіргелік аумақтарында жапырақтар мен тұрмыстық қалдықтарды жинады.
🔹 Экожанашырлар республикалық, облыстық және жергілікті маңызы бар жол бойларында, саябақтарда, гүлзарлар мен скверлерде әктеу-сырлау, арық-атыздарды тазалау жұмыстарымен айналысты.

Аудан әкімі Серік Мамытов:

«Біздің өңірде көктем ерте келгендіктен, тазалық жұмыстары да ерте басталды. Бұл – тұрғындардың туған өлкеге деген шынайы жанашырлығының белгісі», – деді.

Нәтиже:

✔ Шараға 3 мыңға жуық адам мен 15 техника жұмылдырылды
✔ Жалпы көлемі 28 тонна қоқыс шығарылды

Бұл сенбілік — тек тазалық шарасы ғана емес, экологиялық мәдениетті қалыптастыру, жастарды туған өлкені сүюге тәрбиелеу және қауіпсіз орта қалыптастыруға бағытталған игі қадам болды.