Отырарлықтарға үндеу: «Мерейлі отбасы – 2025» ұлттық конкурсына қатысыңыздар!

Отырарлықтарға үндеу: «Мерейлі отбасы – 2025» ұлттық конкурсына қатысыңыздар!

Отырар ауданының тұрғындары «Мерейлі отбасы – 2025» ұлттық байқауына қатысу мүмкіндігіне ие. Бұл конкурс отбасылық құндылықтарды дәріптеуге, адамгершілік пен рухани дәстүрлерді жаңғыртуға және үлгілі отбасыларды қоғамға үлгі етуге бағытталған.

Аталмыш байқау Қазақстан Республикасы Үкіметінің 2014 жылғы 5 наурыздағы №181 қаулысымен бекітілген ережеге сәйкес өткізіледі.

Байқаудың негізгі мақсаттары:

• Отбасы институтын нығайту, рухани-адамгершілік құндылықтарды дәріптеу;
• Ата-аналардың бала тәрбиесіндегі жауапкершілігін арттыру;
• Ұрпақтар сабақтастығын насихаттау, қарттарға деген қамқорлықты үлгі ету;
• Қазақстандық отбасының жағымды бейнесін қалыптастыру.

Өтінім қабылдау мерзімі:
📅 2025 жылғы 16 наурыз – 15 маусым аралығы

Қажетті құжаттармен бірге өтінімдер арнайы нысан бойынша қабылданады.

📍 Өтініштерді қабылдау мекенжайы:
Отырар ауданы, Шәуілдір ауылы, Жібек жолы даңғылы №25 ғимарат

📞 Байланыс нөмірі:
+7 702 911 2185

Ұлттық байқауға қатысып, елге өнеге боларлық отбасылық құндылықтарды бірге насихаттайық!