Сарыағашта инвесторларға кедергісіз жағдай жасалмақ

Сарыағашта инвесторларға кедергісіз жағдай жасалмақ

Сарыағаш ауданының әкімдігі инвесторларға төнетін әкімшілік кедергілерді жойып, жаңа кәсіпорындардың ашылуын жеделдетуге күш салуда. Бұл мәселе аудан әкімі Арман Абдуллаевтың төрағалығымен өткен кезекті инвестициялық штаб отырысының негізгі тақырыбы болды.
Аудан басшысы ұсынылған әрбір жобаға қолдау көрсетілетінін мәлімдеді. Ол кәсіпкерлік, ауыл шаруашылығы және жер қатынастары бөлімдерінің басшыларына жобаларды жүзеге асыру барысында туындайтын кез келген мәселені жедел шешуді тапсырды.
Жиында инвесторлар тартудың жол картасына енгізілген жобалардың орындалу барысы сараланды. Штабтың негізгі міндеті – рұқсат беру құжаттарын ресімдеуді жеңілдету, кәсіпкерлерді мемлекеттік қолдау тетіктері туралы уақтылы хабардар ету және сол арқылы жаңа жұмыс орындарының ашылуына ықпал ету.

Бұл жұмыстардың барлығы аудан экономикасын көтеріп, тұрғындарды жұмыспен қамту мақсатында жүйелі түрде жалғасатын болады.